Gazeta italiane “Il Messaggero” e ka vlerësuar Shqipërinë si një prej destinacioneve më popullore gjatë verës së 2018-s.

 

Duke u bazuar tek të dhënat e portaleve të hoteleve dhe fluturimeve, “Il Messaggero” ka arritur në konkluzionin se 5.7% e italianëve e kanë zgjedhur Shqipërinë si destinacion për të kaluar pushimet.

 

Sipas kësaj mediaje italiane, turistët e zgjedhin vendin e “shqiponjave” për një sërë arsyesh si; raporti i shkëlqyer cilësi-çmim, atraksionet turistike të vendit (3390 të tilla), pozicioni gjeografik i favorshëm i Shqipërisë që është pranë të gjitha baseneve të Mesdheut, etj.