Luftën ndaj korrupsionit, Presidenti i Filipineve e ka konretizuar në një mënyrë krejt të pazakontë për politikanë të tjerë, por jo për atë. Rodrigo Duterte ka shkatërruar pa mëshirë më shumë se 60 mjete luksoze.

 

Makina tip Lamborghini, Porche, Mercedes Benz dhe disa motorë Harley-Davidson, me një vlerë totale mbi 5,5 milionë dollarë përfunduan nën buldozerë ndërsa vetë Presidenti i Filipineve tha se kjo ishte një shenjë që importuesit e paligjshëm do të marrin goditje të ashpër.

 

“Vendosa që këto mjete të shkatërrohen sepse duhet t’i tregojmë botës që ne jemi një vend i besueshëm për të investuar dhe për të bërë biznes”, tha ai para turmës që ishte mbledhur për të ndjekur aksionin.