Lënia e shishes së ujit në makinë gjatë stinës së nxehtë të verës përbën një rrezik. Ky është një veprim kërcënues për jetën, që mund të shkaktojë zjarr brenda në veturë.

Sipas një studimi të Universitetit të Stanfordit, u konstatua se gjatë ditëve të nxehta të verës, kur temperatura është 22-35 gradë C, brenda një makine të parkuar mund të arrijë nga 44 deri në 55 gradë C brenda një ore.

Kështu, ta lini një shishe të plastikës me ujë brenda në makinë gjatë një dite të nxehtë vere, mund të shkaktojë pasoja të tmerrshme.

Shishet e ujit veprojnë si një qelq zmadhues dhe mund të intensifikojë dritën e diellit mjaftueshëm sa për të shkaktuar djegie brenda në makinë.