Pas rreth 8 muajsh në detyrë është larguar nga posti që mbante drejtori i Spitalit Rajonal Shkodër, duke mos e njohur realitetin mirë në shkodër na bëri përshtypje mënyra e ketij largimi shumë i shpejtë në kohë si dhe ndryshimet e shpeshta në këtë institucion.

Për këtë vendosëm që të bëjmë nje vëzhgim nga afër të situatës atj dhe quditërisht vumë re ndryshime rrënjësore të bëra në Spitalin Rajonal të Shkodrës por si duket se nuk kanë mjaftuar për ta mbajtur sërish në pozicionin e drejtorit të rij Vilson Masmalajn.

Ai është larguar tashmë nga kjo detyrë por duhet thënë se që nga dhjetori i vitit të kaluar, në me pak se 8 muaj punë, i ndryshoi imazhin këtij spitali. Shkruan focus24.info Duke filluar nga reparti i imazherisë ku praktika e mëparshme ishte për të paguar që nga grafitë dhe deri tek rezonanca por kjo gjë mori fund.

Për të vazhduar me ndryshimet në sjelljen e administratës së spitalit e cila ishte mësuar të mos punonte më shumë se tre orë në ditë. Po ashtu, recepsioni nga një banak bosh që ishte më parë, u kthye në një recepsion modern të denjë për të konkurruar edhe me spitalet private.

Sakaq, urgjenca e cila më parë veç urgjencë nuk quhej me një personel të mangët në numër dhe pa eksperiencën e duhur, tani me dy mjekë në shërbim dhe njëkohësish u shtua edhe shërbimi toksikologjik i cili nuk ekzistonte më parë në Shkodër dhe u bë sjellja e mjekëve nga Tirana për të dhënë eksperiencën e vet.

Ndryshimet në periudhën e drejtimit të ish- drejtorit Masmalaj përfshinë edhe guzhinën dhe hotelerinë duke e shndërruar atë në bashkëpunim me donatorë të ndryshëm në një shërbim modern.

Ndërkohë u ndryshua edhe pamja e jashtme e spitalit, tashmë e gjelbëruar falë mbjelljes së pemëve dhe vendosjes së stolave. U bë vendosja e trarëve në hyrjet e spitalit duke vënë një çmim simbolik prej 1 mijë lekësh të vjetra për çdo mjet që hynte në ambjentet e tij duke u përkthyer në këtë mënyrë në më shumë të ardhura për spitalin.

U bë zbatimi me korrektësi i sistemit të referimit ku më parë edhe për një pyetje kot duhej të paguaje lekë ndërsa tani merr çdo shërbim pa lekë por të gjithë këto ndryshime duket se nuk i pëlqyen disave në spital që e donin atë të ishte rrumpallë si gjithmonë me qëllim që të pasuroheshin më shumë në kurriz të qytetarëve prandaj ndikuan dhe lëvizën me shpejtësi tek Partia e cila mesa duket e pa të arsyeshme të bëjë këtë lëvizje shpejt që të mos i mbetnin të pakënaqur militantët dhe të përkëdhelurit e partisë, mjeket e spitalit të cilët sikur ta kishin parandjerë se ky drejtor do i ndalonte t’u fusin dorën në xhep qytetarëve, prandaj dhe e kontestuan akoma pa filluar punën në spital.

Ne u munduam që të kontaktojmë me Vilson Masmalaj por sapo i thamë që jemi gazetare dhe duam një interviste e mbylli telefonin dhe nuk u pergjigj me! Gjithsesi në ditët në vijim do tentojmë që hellim drit mbi këtë ndyshim te çuditshem.

Më poshtë do shikoni disa nga ndryshimet e pësuara muajt e fundit në këtë institucion përmes fotove.

Ishte…

Ështe