Xhafaj: Është dashur shumë punë dhe vetëm punë, kohë pune pa orar e me përkushtim seriozitet dhe përgjegjshmëri, por jo edhe pak sakrifica për tu përballur me lloj lloj sulmesh e presionesh që kanë provuar dhe vazhdojnë të tentojnë të na shfokusojnë nga prioritet tona, të na demotivojnë dhe të na zbrapsin.

Jemi krenar që me moton “Në zbatim të ligjit, në shërbim të qytetarit” ia kemi dalë me sukses të shohim dhe të ecim përpara, të dëshmojë vullnet, por edhe rezultate konkrete.

Politika i komenton rezultatet e kësaj pune sipas interesit politik të ditës. Është e vështirë që nga ky debat i cili shpesh degradon në shpife, në trillime apo sulme të ulëta edhe personale të kuptosh si qëndron puna dhe rezultatet e saj në raport me interesin publik.