Dhimbja e muskujve është normale për secilin nga ne pas një aktiviteti të gjatë fizik. Thuajse nuk ekziston asnjë person që nuk e ka përjetuar një gjë të tillë.

Shpesh ndodh që nga dhimbja e muskujve ta kemi të vështirë ngritjen nga shtati me qëllim kryerjen e detyrave bazë të ditës. Për ta zbutur dhimbjen dhe për ta aftësuar trupin për ushtrime të reja, duhet t’i merrni disa masa të caktuara.

Një prej tyre është që menjëherë pas ushtrimeve të pini sa më shumë ujë, për ta shmangur dehidrimin dhe për të mos i lënë muskujt pa rrjedhje të mjaftueshme të gjakut.

Ushqimin bazojeni në proteina, të cilat do ta përshpejtojnë rimëkëmbjen e’ muskujve. Konsumoni vitamina e, minerale, magnez, zink dhe kalium, ndërsa menjëherë pas ushtrimeve mund ta përdorni edhe një tabletë kundër dhimbjeve.

Gjithashtu një mënuyrë e mirë për eleminimin e këtyre dhimbjeve është dhe masazhi në vendet ku ndjehet më shumë dhimbja, duke pasur parasysh se ka kaluar 12 orë nga kryerja e ushtrimeve.