Policia në Lezhë ka arrestuar dy persona në flagrancë dhe një tjetër e ka shpallur në kërkim, pasi ata duke lëvizur me makinë janë aksidentuar.

Në momentin që ka shkuar policia në vendngjarje ata kanë tentuar të fshehin fshehin armën, duke e hedhur në obrrin e një shtëpie.

Njoftimi i plotë

Aksidentohet me makinë dhe përpiqet të fshehë nga policia armën pistoletë që e kishte me vete, arrestohet në flagrancë

Proçedohen penalisht edhe 2 shtetas të tjerë për pengime për zbulimin e së vërtetës së ngjarjes

Nga specialistët e Seksionit kundër krimeve në Drejtorinë Vendore të Policisë Lezhë, u bë arrestimi në flagrancë i shtetasve:

– A.N., 47 vjeç, banues në Lezhë

– O.V. , 39 vjeç, banues në Lezhë

Gjithashtu, u shpall në kërkim dhe punohet për kapjen e shtetasit D.M.24 vjeç, banues në Lezhë.

Arrestimi dhe shpallja në kërkim ndaj këtyre shtetasve u bë pasi, shtetasi A.N. , në aksin rrugor Shëngjin – Lezhë, duke drejtuar mjetin tip Audi në gjendje të dehur , ka humbur kontrollin dhe ka dalë nga rruga ku për pasojë ka patur vetëm dëme materiale.

Në momentin që ka shkuar policia në vendngjarje, shtetasi A.N. i ka dhënë armën e zjarrit tip pistoletë shtetasit

D.M. për ta fshehur, e cila është gjetur e hedhur në oborrin e një banese aty afër ku dhe u sekuestrua në cilësinë e proves materiale.

Shtetasi D.M. ka arritur të largohej pasi veprimet e

punonjësve të policisë për zbardhjen e së vërtetës janë penguar nga shtetasi O.V.

Veprat penale ” Prodhim dhe mbajtje pa leje e armëve luftarake dhe municionit” “Drejtim mjeti në mënyrë të parregullt” dhe ” Mosbindja ndaj urdhërit të punonjësit të policisë” parashikuar nga nenet 278/1, 291 dhe 242 të Kodit Penal në ngarkim të shtetasit A.N..

Veprat penale ” Veprime që pengojne zbulimin e së vërtetës” ” Kundërshtim i punonjësit të policisë së rendit publik” parashikuar nga nenet 301 dhe 236/1 të Kodit Penal në ngarkim të shtetasit Oltion Vuka.

Vepra penale” Veprime që pengojne zbulimin e së vërtetës” parashikuar nga neni 301 i Kodit Penal në ngarkim të shtetasit D.M.

Materialet proceduriale iu referuan Prokurorisë së Rrethit Gjyqësor Lezhë për veprime të mëtejshme.