E përditshmja serbe “Kurir” ka botuar një shkrim në portalin e saj, ku akuzon shqiptarët për kontroll të futbollit serb.
Sipas këtij portali, vëllezërit shqiptar me mbiemrin Osmani, janë në krye të një rrjeti shumë të përhapur në Serbi, që merret me pastrim parash dhe trukime rezultatesh.
“Mafia shqiptare me paratë e pista të fituara nga tregtia me drogë dhe armatim, por nga transferimi i lojtarëve serbë, ‘i pastron’ paratë në Serbi, ndërsa një pjesë të madhe të këtyre parave e përdorë për ndarjen e shtetit”, shkruan në paralajmërimin e Kurir.
Në ditët në vazhdim, Kurir paralajmëron që do të zbulojë se si funksionon “grupi kriminal shqiptar, mënyrën si i kontrollon transferimet në futboll, me cilat shërbime të huaja po punohet ngushtë, cili klub serb përdoret për pastrimin e parave të mafias, përmes cilëve menaxherë kanë hyrë në tregun serb.
Herë pas here, në mediat serbe akuzohen shqiptarët për problematika të ndryshme, që asnjëherë nuk janë vërtetuar.