Ka ndërruar jetë tragjikisht në një aksident me motor këngëtari shqiptar në Kosovë. Bëhet fjalë për Jeton Kuçin, nga Deçani.

Lajmi bëhet i ditur nga mediat kosovare, sipas të cilave, Kuçi po udhëtonte me motor, kur ka humbur kontrollin dhe është përplasur.

Ngjarja e rëndë ka ndodhur në vendlindjen e tij në Deçan, teksa përplasja ka rezultuar fatale për të.

Jeton Kuçi njihej në Kosovë si këngëtar i muzikës popullore, ndërsa më herët ka qenë edhe ish-luftëtar UÇK-së.