Nëse ka ekip i cili po bën një ecuri të jashtëzakonshme në sportin shqiptar, padyshim që është ai i Vllaznisë në futboll për femra.
Kjo skuadër jo vetëm nuk ka lënë trofe pa fituar në këto pesë vitet e fundit, por po thyen rekord pas rekordi.
Mjafton të themi se me fitoren e fundit ndaj Tirana AS për kampionat, vajzat shkodrane kanë arritur fitoren e 101-të të tyre rradhazi!
Po, është mëse e vërtetë. Në pesë sezone ky ekip ka fituar 4 tituj kampion dhe 5 Kupa të Shqipërisë.
Padyshim që po shkon drejt titullit të rradhazi sepse ka diferencë me ndjekësit e saj. Statistikat e këtij ekipi janë të “frikshme”.
Në 5 sezone, kupë dhe kampionat, ai ka vetëm një barazim. Atë të arritur në kryeqytet ndaj Tirana AS më 5 tetor 2013 kur arrihej barazimi 1-1.
Që atëherë, futbollistet kuqeblu kanë arritur plot 101 fitore rradhazi.
Shifra vërtetë të lakmueshme dhe që besojmë se do të vazhdojnë edhe në të ardhmen sepse mënyra si e ka ndërtuar këtë ekip presidenti Lazer Matija është vërtetë mbresëlënëse.
STATISTIKA
Në kampionat 85 fitore rradhazi- golaverazhi 612-21
Në kupë 16 fitore rradhazi- golaverazhi 94-2
Totali: 101 fitore rradhazi- golaverazhi 706-25
KAMPIONATE
2013-2014 14 fitore, golaverazhi 78-7
2014-2015 22 fitore, golaverazhi 169-10
2015-2016 18 fitore, golaverazhi 134-2
2016-2017 18 fitore, golaverazhi 153-1
2017-2018 13 fitore, golaverazhi 78-1
KUPA
2013-2014 3 fitore, golaverazhi 20-1
2014-2015 4 fitore, golaverazhi 29-1
2015-2016 3 fitore, golaverazhi 15-0
2016-2017 3 fitore, golaverazhi 21-0
2017-2018 3 fitore, golaverazhi 14-2
Gjergj KOLA
