“Nuk ishte vetëm çështje e Vucajt, por në kompleks.
Kishin tri mungesa sot, nga maja e skuadrës deri te mbrojtja.
Ndaj Kukësit, ekipit kampion në fuqi, vështirësia është më e madhe.
Tensioni i mbijetesës që kemi ne nuk të lejon të bësh atë që dëshiron në fushë. Rasti i penalltisë për Sukajn? Nuk ka koment.
Për këtë rast mund të ketë koment vetëm gjyqtari. Në rastin konkret është sikur dikush të fut dorën në xhep e të vjedh.
Sot kryesori Hamiti vodhi mundin dhe djersën e lojtarëve të Vllaznisë. Me atë penallti mund të ishim barazuar. Klubi duhet të merret me këtë punë,
Sepse unë jam trajner. Kukësi është i njëjti me arbitrat, si sezonin e kaluar, por unë kam ndryshuar “llogore”?
Në sezonin e kaluar ishim në vendin e parë dhe nuk besoj se kemi pasur kësi rastesh në favor. Flasim për sot, kur kjo penallti hapte lojën, po të jepej.
Ne bëmë gabime sot dhe mbyllja e ndeshjes, goli i dytë, ishte përsëri për fajin tonë, sepse u hodhëm në sulm dhe lamë hapësira mbas.
Rasti i golit të Shametit?
Unë aplikoj mbrojtjen mikse. Pikat kyçe të skuadrës kundërshtare i markoj edhe një për një.
Shameti rrëshqiti dhe shënoi. Ne e dimë cili është Shameti në lojën në ajër.
Pse Cinari në stol? Ai kishte shumë minuta në këmbë dhe ngarkesë fizike, prandaj futëm Kalanë dhe Ribajn.
Fusha në Kukës është e tillë, që ka ngarkesat e veta fizike. Kartoni i Sukajt? Synimi kryesor ishte që të ishim të qetë.
Duhej të mendonim për ndeshjen e radhës në fushën tonë. Në shtëpi nuk kemi luks të humbasim. Xhevo bëri faull teknik ndaj portierit. Janë gjëra që ndodhin në futboll”.
