Ndeshja Vllaznia- Teuta po merr përmasa gjithnjë e më të mëdha në opinionin sportiv shkodran.

Tifozët e këtij qyteti kanë shprehur dëshirën për ta mbështetur skuadrën në këtë ndeshje delikate.

Por ka edhe nga “skeptikët” që kanë frikë të jenë në “Loro Boriçi” pasditen e së hënës sepse skuadra e tyre mund t’i zhgënjejë sërish siç ka ndodhur në jo pak raste këto kohët e fundit.

Por klubi Vllaznia ka menduar një zgjidhje origjinale për t’i bërë ftesë tifozëve për të qenë në stadium këtë ndeshje sepse skuadra ka nevojë për mbështetjen e tyre.

Ka përgatitur një spot televiziv të cilën fillimisht e ka shpërndarë në faqen e tij zyrtare dhe më pas, do ta shpërndajë edhe në televizionet lokale.

Interesant është fakti tjetër që pamjet e këtij spoti janë marrë ato të ndeshjes së fundit të kampionatit të kaluar, ajo ndaj Tiranës, ku stadiumi ishte plot e përplot.

Mbase, kjo nuk do të ndodhë të hënën por e rëndësishme është që numri i tifozëve të jetë i madh në stadium.

© shkodrasport.com