Vendi ynë, ashtu si Kosova, njihet për nëntokën e pasur me minerale të shumta, dhe ka rënë shpesh herë pre e një sërë kompanish që synojnë t’i privatizojnë.

Megjithatë, sipas një analize të fundit të Ministrisë së Industrisë dhe Energjetikës, një zonë në Shqipëri fsheh tonelata të tëra bakri dhe ari.

 Bëhet fjalë për minierën polimetalore të Munellës në Pukë, në të cilën përllogaritet se sasia e arit mund të shkojë deri në rreth 4 tonë.

Kompanitë e shumta që kanë punuar në këtë minierë prej vitit 2000, janë marrë kryesisht me rivlerësimin e rezervave të bakrit dhe zinkut e më pak me shtimin e rezervave të reja.

Megjithatë, kompanitë koncensionare duket se janë turrur si grabitqarë dhe kanë bërë një rivlerësim të rezervave të arit.

Në fund të fundit, nuk mund t’i vëmë faj, pasi 4 ton ar nuk janë pak…